Beogradi nuk duhet t`i pengojë emërtimet e rrugëve në Bujanoc

Gjilan – Ne kemi kërkuar edhe më shkrim që në qendër të qytetit të Bujanocit të vendoset shtatorja e heroit tonë kombëtar Skënderbeu thotë Refik Hasani.

Aktivistët e Kosovës Lindore që ndodhen në Gjilan kanë reaguar ndaj deklaratave të ministrit për të drejtat e njeriut Markoviq i cili ka refuzuar dhënien e pëlqimit për ndërrimin e rrugëve në Bujanoc .

Refik Hasani aktivist thotë se kanë kërkuar edhe më shkrim që në qendër të qytetit të Bujanocit të vendoset shtatorja e heroit tonë kombëtar Skënderbeu .

“S`i është e mundur që 30 këshilltarë Komunal shqiptarë të përbëjnë prej 41 këshilltarëve , pra me mbi 80 % , popullatë shqiptare kurse të bartin rrugët , sheshet , bulevardet , shkollat fillore , të mesme e parashkollore si dhe institucionet tjera publike emërtime vetëm nga historia e serbëve” shpreh habinë Hasani.

Hasani mendon se në këtë drejtim edhe Serbia duhet të decentralizohet sikur Kosova , prandaj këto kompetenca të emërimeve duhet të jenë sipas të gjitha konventave e akteve ndërkombëtare të nivelit lokal.

“Edhe kjo krahinë shqiptare dëshiron reciprocitet sikur serbët lokal të Kosovës. Serbët në Kosovë bartin emra që vetë i propozojnë . Kjo çka po ndodh është diskriminim tipik klasik sepse ende barten emrat e aprovuar gjatë vitit 2001” tha Hasani.

Sipas Hasanit nëse pushteti shqiptarë në Bujanoc nuk mund të vendos për emrat e shesheve,rrugëve dhe institucioneve tjera,atëherë pse është bërë lufta e UÇPMB-së , marrëveshja e Konçulit , demilitarizimi , amnistia dhe pse janë mbajtur zgjedhjet lokale në Medvegjë , Bujanoc dhe Preshevë ,veçmas të dalluara nga qytete tjera të Serbisë./rajonipress/