Bekim Azizi është kandidat për kryetar komune në Viti nga PDK-ja

Viti – Kryesia e Partisë Demokratike në qendër ka aprovuar vendimin e strukturave të saj në degën e Vitisë për të zyrtarizuar kryetarin e saj të degës në Viti për kandidatë për kryetarë komune në zgjedhjet lokale që do të mbahen gjatë vjeshtës së këtij viti. Bekimi Azizi është pjesë e strukturave të PDK-së që nga themelimi i saj, si anëtarë i strukturave rinore të PDK-së në Viti dhe qendër e pastaj edhe anëtarë i kryesisë së PDK-së në degën e Vitisë kurse dy vitet e fundit është zgjedhur edhe kryetar i degës së Vitisë.

Bekim Azizi ka qenë asambleisti më i votuar dhe më aktiv dhe më i zëshëm në mbrojtjen e interesave të qytetarëve të Komunës së Vitisë në kuvendin komunal të Vitisë përgjatë dy mandateve, sa është aty duke demaskuar shkeljet ligjore e keqpërdorimin e parasë publike nga qeverisja e Sokol Halitit.

Ka përfunduar fakultetin e makinerisë dhe studimet master në Universitetin e Prishtinës, është i angazhuar si profesor në Shkollën e Mesme Teknike në Viti, gjithashtu është ish luftëtarë i Ushtrisë Çlirimtare të Kosovës.

Bekim Azizi është kandidatura më e mirë për qytetarin e Vitisë, si në aspektin kombëtar, profesional e politik, pasi që me një angazhim prej dy dekadave ka dëshmuar se është në shërbim të qytetarëve në të gjitha aspektet duke mbajtur qëndrim të guximshëm përball çfarëdo sfide.

Figura e Bekim Azizit po gëzon mbështetje të madhe qytetare dhe me të drejt po cilësohet si Kryetari i ardhshëm i Vitisë thuhet në njoftimin e degës së PDK-së në Viti./rajonipress/