Behrami nuk e ndërron pozitën në fushë

Valon Behrami nuk e ka ndërmend ta ndërrojë pozitën në fushë, siç planifikonte trajneri i ri i tij tek Napoli, Rafael Benitez.

Flitej se futbollisti kosovar mund të luajë në krahun e djathtë, por përfaqësuesi zviceran insiston se dëshiron të luajë në pozitën ku është përshtatur më së miri në vitet e fundit, duke kontribuuar në mesfushë, mbi të gjitha në repartin defanziv.

“Si 28 vjeç, unë vi nga sezonet më të mira të karrierës dhe në këtë moment nuk më duhet çasti i duhur për ta ndërruar rolin. Kam biseduar me trajnerin, kemi provuar diçka, por jemi kuptuar. Unë ua të vazhdoj kështu”, theksoi 28 vjeçari për mediat italiane.

Ndërkohë, ish futbollisti i Veronës, Lazios, West Ham Unitedit dhe Fiorentinës, e ka bërë një krahasim ndërmjet futbollit italian dhe atij anglez.

“Në Angli presioni është më i madh nga shtypi sesa nga personazhet. Në Itali flitet më shumë për taktikë, në të gjitha gazetar. Në Londër edhe bashkëlojtarët shumë më të famshëm dhe të skuadrave më të mëdha kishin qetësi të madhe, por mua më mungonte dashuria dhe ndjenja e të qenit lojtar”, përfundoi Behrami.