Behrami: Merituam fitoren

Mesfushori mitrovicas, Valon Behrami, që luan në skuadrën e famshme italiane, Napoli ka folur rreth fitores të së dielës që skuadra e tij e arriti përballë Genoas, 2:0.

Behrami tha se në këtë takim kanë punuar mire të gjithë futbollistët si grup dhe në fund ia kanë dalë që t’i marrin tri pikë tejet të rëndësishme.

“Ne kemi bërë më të mirën për të fituar dhe ia kemi arritur shumë mirë si grup. Ishte fitore e merituar dhe për këtë arsye jemi të lumtur”, u shpreh Behrami.

Nga ana tjetër, ovacionet nga publiku e kanë bërë lojtarin të ndihet shumë i lumtur. “Ishte një ndjenjë e veçantë, shumë e mirë. Duartrokitjet që mi dhanë më bënë të lumtur dhe krenar njëherësh”, përfundoi Valoni.(orainfo)