Behrami e nis me barazim rikthimin në Premier Ligë

Valon Behrami ka debutuar me barazim me Watfordin në Premier Ligë.Skuadra e re e mesfushorit shqiptar barazoi 2 me 2 si mysafire e Evertonit.

Watfordi ishte dy herë në epërsi, teksa Evertoni arriti dy herë të barazonte rezultatin.

Migel Layun i siguroi i pari epërsinë Watfordit në pjesën e parë, para se Ross Barkley të barazonte në minutën e 76-të.

Në minutën e 83-të Odion Ighalo realizoi golin e dytë për Watfordin, ndërsa tre minuta më vonë Arouna Kone barazoi sërish gjithçka në fushë.

Behrami në këtë takim u paraqit për 79 minuta. 11 minuta para fundit ai u zëvendësua nga Ben Watson.

Behrami ka luajtur edhe më parë në Premier Ligë. Ai u paraqit 58 herë për West Hami ngjatë viteve 2008-2011.