Bebe Rexha publikon faqen zyrtare

Sigurisht që ju mund ta keni në listën e të gjitha rrjeteve sociale, por më në fund Bebe Rexha ka hapur faqen e saj zyrtare në internet. Në faqen zyrtare të këngëtares shqiptare www.BebeRexha.com, e cila karrierën e saj po e krijon kryesisht në SHBA, shumë shpejt do të gjeni informacionet e para rreth pop artistes si dhe foto, lajme për aktivitetet dhe turnetë e saja.

Gjithashtu, lansimi i kësaj faqe sinjalizon zyrtarisht “hapjen” e fushatës për promovimin e albumit të saj, të cilin pritet që brenda këtij viti ta kenë në duart e tyre fansat e këngëtares 24-vjeçare.

Megjithëse deri më tash këngëtarja është paraqitur në shumë evenimente e televizione të ndryshme në New York, vendin ku edhe jeton, ajo së fundmi ka nxjerr në treg këngën e saj më të re ‘I Can’t Stop Drinking About You, ndërsa klikimet e shumta ka shtyrë që të realizojë edhe videon e kësaj kënge, e cila besohet se është vetëm një nismë e mbarë për sukseset pasuese të këngëtares shqiptare përgjatë këtij viti.