BE-ja ta aplikojë strategjinë e zgjerimit në pako për Ballkanin

Ish-ambasadori i Maqedonisë në Bruksel, profesori Blerim Reka, ka thënë se strategjia e zgjerimit të Bashkimit Evropian për vendet e Ballkanit Perëndimor që publikohet sot, nuk duhet të jetë selektive dhe preferenciale.

Në vend të preferencave të shteteve të caktuara, Reka ka thënë se BE-ja duhet të inaugurojë një strategji në pako për integrimin e tërë Ballkanit Perëndimor, për ta pamundësuar më vonë bllokimin individual të secilit kundër secilit.

Në këtë intervistë dhënë për gazetën “Epoka e re”, ai ka thënë se nga kjo strategji do të përfitojnë më së shumti Mali i Zi dhe Serbia, duke u pranuar të parët në BE, të pasuar nga Shqipëria dhe Maqedonia, duke marrë statusin e vendit kandidat, ndërsa Bosnja e Hercegovina dhe Kosova mund të mos përfitojnë për shkak të bllokadave të brendshme.