Bayerni nuk kishte ‘burra’ në fushë

Ikona e Bayernit, Paul Breitner, e ka kritikuar ashpër paraqitjen e bavarezëve në finalen e Champions-it.

Ai ka mbetur shumë i zhgënjyer nga telenovela e penalltive dhe ka mbajtur një qëndrim të ashpër ndaj mentalitetit të yjeve të klubit. “Jam shumë i zhgënjyer nga lojtarët dhe trajneri, që ia lanë ta gjuante penalltinë Ivica Oliqit, i cili nuk kishte fuqi të shënonte.

Dhe gabimi tjetër ishte që portieri Manuel Neuer nuk duhet të gjuante në mënyrë absolute, pasi humbi përqendrimin tek penalltitë. Çdo profesionist duhet të tregojë pak burrëri, cilado qoftë gjendja e tij. Kjo finale ka për të qenë e paharruar”, pohon legjendari gjerman, Breitner.