Bayerni fiton, Mehmedi super gol

Bayern Munich ka shënuar fitore në kuadër të xhiros së 32 të Budesligas gjermane. Bayerni ka triumfuar para shikuesve të vetë në stadiumin “Alianz Arena” kundër Werder Bremenit me rezultat prej 5:2.

Në fakt, bavarezët dy herë u gjendën në disavantazh. Fillimisht Werderi kaloi në epërsi me anë të golit të Gebre Selassie (10’), ndërsa vendasi barazuan përmes Franck Riberys (20’), ndërsa pjesa e parë përfundoi në dobi të Werderit, të cilët realizuan sërish në minutën e 36 me anë të Aaron Huntit.

Por, të besuarit e trajnerit Pep Guardiola në pjesën e dytë realizuan tre gola. Sulmuesi Claudio Pizzaro me dy gola ekspres (53’, 57’) solli në epërsi Bayernin, ndërsa golin e katërt e realizoi Bastian Schweinsteiger (61’). Për fitoren prej 5:2 të Bayernit u përkujdes sulmuesi Arjen Robben në minutën e 74 të sfidës..

Pas kësaj fitoreje, Bayerni si kampion aktualisht ka 84 pikë, ndërsa Werder Bremen bije në vendin e 14 me 36 pikë.

Mehmedi realizon super gol

Sulmuesi shqiptar i përfaqësueses së Zvicrës ka realizuar gol në barazimin e skuadrës së tij, Freiburg kundër Wolfsburgut me rezultat prej 2:2.

Admir Mehmedi realizoi golin e barazimit në minutën e 61 të takimit, i cili njëkohësisht edhe goli i 11 i sulmuesit në Bundesligën gjermane.

Për ta shikuar golin e Admir Mehmedit, klikoni mbi linkun e mëposhtëm:

http://www.goal-247.com/FootballVideos/View/5418/Wolfsburg-1-1-Freiburg–Admir-Mehmedi-goal-61-26.4.2014