Bastisje për armë në Kllokot, arrestime për posedim droge në Gjilan

Gjilan – Në Kllokot patrulla policore ka ndaluar një veturë me ngasës mashkull kosovar dhe gjatë kontrollit në ulësen e pasme kanë gjetur një pushkë M-48 e cila ishte me leje të skaduar.

Është bërë bastisje në shtëpinë e të dyshuarit dhe është gjetur një pistoletë me leje të skaduar. Rasti në procedurë të rregullt njoftoi policia.

Kurse në Gjilan njësiti policor ka ndaluar veturën me targa vendore të cilën kishte qenë duke e drejtuar i dyshuari mashkull kosovar dhe në afërsi të vendit të ndaljes janë gjetur dhe konfiskuar 3.56 gram substanca të dyshuara narkotike të llojit marihuanë.

I dyshuari është arrestuar dhe pas intervistimit në konsultim me prokurorin është liruar në procedurë të rregullt njoftoi policia e Kosovës./rajonipress/