Bashkohen për kontrollimin e bizneseve

Tri institucionet kryesore të kontrollit të bizneseve janë bashkuar të premten rreth një qëllimi. Agjencia e Ushqimit, Dogana e Kosovës dhe Administrata Tatimore kanë filluar të bëjnë kontrollimin bizneseve që merren me shitjen e mishit dhe eksportimin e lëkurave. Drejtues të këtyre institucioneve kanë thënë se me këtë bashkëpunim do të kontrollohet çdo biznese që ushtron këtë veprimtari.

Administrata Tatimore e Kosovës, Agjencia e Ushqimit dhe Veterinarisë dhe Doganat e Kosovës, vazhdojnë bashkëpunimin, dukë ndërmarr aktivitete të përbashkëta në terren për identifikimin dhe kontrollimin e bizneseve që merren me shitjen e mishit dhe eksportimin e lëkurave. Në kuadër të këtyre aktiviteteve inspektorët tatimorë dhe ata veterinarë janë duke bërë inspektimin e përbashkët për të kontrolluar tregun e mishit.

Në një takim të mbajtur në zyrat e Agjencisë së Ushqimit dhe Veterinarisë, në të cilin ishin pjesëmarrës Kryeshefi i AUV-së Valdet Gjinovci, Drejtori i ATK-së Behxhet Haliti dhe Udhëheqësi i departamentit të Pikë kalimeve kufitare dhe MIK Agim Nika, është diskutuar për intensifikimin e bashkëpunimit dhe aktiviteteve për trajtimin e këtij sektori.

Kryeshefi i AUV Valdet Gjinovci, i ka njoftuar të pranishmit për aktivitetet e agjencisë dhe shprehu gatishmërinë për mbështetje përmes ofrimit të të dhënave lidhur me raportimin e therjeve të kafshëve të gjalla, mënyrën e verifikimit të sasisë së mishit në mishtore dhe dyqane tjera të mishit përmes certifikatave të therjeve. Me të dhënat për numrin e lëkurave qe tregtohen brenda vendit deri të kompanitë eksportuese vendore. Bashkëpunimi me të dhëna statistikore është një ndër elementet kyçe të sistemit të kontrollit të ushqimeve që ndihmon në ruajtjen e shëndetit publik në Kosovë”, ka thënë ai.

Ndërsa, drejtori i Administratës Tatimore të Kosovës, Behxhet Haliti, ka treguar se ATK do të planifikojë aktivitete shtesë për përcjelljen e zinxhirit të dyqaneve të mishit (mishtoreve), restoranteve, hoteleve, në funksion të vlerësimit për kryerjen e obligimeve tatimore dhe gjithashtu do të ndërmarrë veprime ligjore për trajtimin e barabartë të të gjitha subjekteve të këtij sektori.

Përfaqësuesi i Doganës siguroi po ashtu se do të intensifikojnë mbështetjen në kuadër të këtij bashkëpunimi me theks të posaçëm monitorimi i pikëkalimeve kufitare.

Ky bashkëpunim do të ndihmojë në arritjen e synimeve tona kryesore dhe realizimin e objektivave të institucioneve tona që janë luftimi i evazionit fiskal dhe ruajtja e shëndetit publik të konsumatorëve dhe gjithashtu për të krijuar një konkurrencë të drejtë dhe të barabartë për të gjitha bizneset./tribuna/