Bashkë për ditën e çlirimit

Gjilan – Udhëheqës komunal, këshilltarë, parti opozitare,familje të dëshmorëve e veteranë të luftës janë parë bashkë ditën e çlirimit të Gjilanit.

Ndonëse atmosferë e zbehtë dhe e zymtë nëpër qytet,kjo nuk i ka penguar pushtetarët komunal, këshilltarët, partitë politike,familjet e dëshmorëve dhe veteranët e luftës e shoqatat e dala nga lufta të bëjnë homazhe së bashku dhe të kalojnë pak qaste të bashkuar.

Delegacioni i përbërë nga të gjitha strukturat komunale kanë vendosur kurora lulesh tek varrezat e dëshmorëve në qytet,pastaj kanë bërë homazhe tek lapidarët e të gjithë dëshmorëve,dhe në fund kanë drekuar së bashku me familjet e dëshmorëve.

Për ditën e çlirimit janë zhvilluar edhe aktivitete tjera kulturore, e sportive dhe pritet të mbahet edhe një koncert me artistë të estradës muzikore./rajonipress