Barnatoret e Gjilanit shesin mall të ndaluar nga Serbia

Gjilan – Gjatë kontrollimit të dy barnatoreve në Gjilan njësiti i krimeve ekonomike dhe AKPM kanë gjetur sasi të barnave të ndaluara që vinin nga Serbia por që tregun e kishin në Kosovë tha Ismet Hashani.

Njësiti i Krimeve Ekonomike dhe Antikorrupsion (NJKEK)në bashkëpunim me Agjencionin kosovar për produkte medicinave (AKPM_ në Prishtinë kanë bërë ekzekutimin e urdhëresë të lëshuar nga Gjyqtari i Procedurës Paraprake-Gjilan , për kontrollimin e tri barnatoreve farmaceutike –Gjilan.

Ismet Hashani zëdhënës i policisë tha se gjate kontrollimit në dy barnatore janë gjetur një sasi e barnave farmaceutike të ndaluara për shitje në tregun e Republikës së Kosovës( prodhime të Galenikes ) me ç’rast nga inspektoret e AKPM-së, barnat janë konfiskuar ,ndërsa njëra nga këto barnatore ka qenë e palicencuar dhe është mbyllur nga AKPK-ja dhe i është shqiptuar gjoba mandatore në vlerë prej 1500€, kurse në lokacionin e tretë gjate bastisje nuk është gjetur asnjë lloj bari farmaceutik i ndaluar për shitje.

Hashani tha se i dyshuari kryesor përkatësisht pronari i dy barnatoreve i dyshuari M/K/SH . nuk është kontaktuar pasi sipas informatave gjendet jashtë Kosovës . Rasti është nën hetime aktive , lënda procedohet ne procedurë te rregullt me sugjerimin e PPK-së në Gjilan tha Hashani./rajonipress/