Banorët e Lubishtës me rrugë të re bujqësore

Viti – Kanë nisur punimet në hapjen dhe rregullimin e rrugës bujqësore në Lubishtë, e cila quhet “Rruga e Xhepave”, që do t`i mundësoj banorëve që kanë toka bujqësore në këtë pjesë, qasje më të lehtë në punimin e tyre.

Banorët e fshatit Lubishtë, u shprehën falënderues Institucioneve komunale, respektivisht kryetarit Haliti, për këtë projekt, i cili është shumë i mirëpritur për këta banorë. Shumë toka në këtë pjesë, kanë mbetur të pa shfrytëzuara, me që nuk kanë pasur alternativë, me që ka munguar rruga.

Kryetari i komunës Sokol Haliti, ka vizituar sot punimet që po bëhen në këtë pjesë, ku ka bërë të ditur se kjo rrugë ka qenë projeksion i vitit të kaluar.

Ai më tej ka thënë se ka qenë domosdoshmëri rregullimi i kësaj rruge, me që nevojat e banorëve për qarkullim në këtë pjesë kanë qenë të mëdha.

Kjo rrugë bujqësore që do të shtrohet me zhavor, lidh edhe fshatin Lubisht me rrugën tjetër Ramnishtë-Podgorc./rajonipress/