Bankat blejnë hipotekat

Numri i kosovarëve të cilët po humbin patundshmëritë e tyre, për shkak dështimeve për të shlyer borxhet që kanë ndaj bankave komerciale në Kosovë, po rritet dita ditës. Të sigurt që do të mund të i dalin përballë kësteve mujore ndaj bankës, kosovarët si garancion kanë futur si hipotekë, shtëpitë, tokat, dyqanet, objekte të ndryshme e gjithçka tjetër.

Por, kriza financiare, të ardhurat e pasigurta të tyre, kanë sjelle kompanitë në një gjendje ku shumë shpejt mund të dështojnë, ku më pas pasuritë e tyre konfiskohen dhe hedhen në shitje nga gjykatat përmes ankandeve të ndryshme.

Të dhënat zyrtare tregojnë se vetëm në Prishtinën mbahen deri në 10 ankande të tilla brenda një muaji. Në Gjykatën Themelore të Prishtinës në vit ushtrohen mesatarisht 90 lëndë, të parashtruar nga bankat për lejimin e përmbarimit në bazë të hipotekës për paluajtshmëri.

Ndërsa në gjithë Kosovën, brenda vitit konsiderohen të jenë me qindra lëndë të tilla. Kurse vlera e një patundshmërie e vlerësuar nga banka shpeshherë është milionëshe. Se numri i rasteve të tilla viteve të fundit ka shënuar rritje, këtë e thonë edhe bankat, por edhe gjykatësit që merren me shqyrtimin e tyre.

Probleme me shitje

Në gazetat ditore përmes të cilave bankat lajmërojnë për shitjen e pasurisë së paluajtshme të hipotekuar të debitorë/garantuesve hipotekar të ndryshëm gjithandej nga Kosova, shohim se shpesh herë e njëjta patundshmëri përsëritet edhe deri në tri herë…(Zëri)