“Ballkan Petroll” nga Ferizaj ndihmon QKMF e Kamenicës

Kamenicë – Pandemia me të cilën po përballemi nuk njeh ndasi mes qyteteve sepse lufta e të gjithë neve është e përbashkët. Duhet të jemi bashkë të gjithë pa dallime. Këtë po e tregon edhe rasti i kompanisë Ballkan Petrol nga Ferizaji, i cili ka dhuruar për QKMF-në në Kamenicë 100 litra dezinfektues e mjete tjera mbrojtëse, për nevoja të stafit ka shkruar Qëndron Kastrati.

“U jemi mirënjohës të gjithë atyre që po u dalin në ndihmë personelit shëndetësor e gjithë qytetarëve pa dallim. Gjithashtu, falënderoj Zjarrfikësit në Kamenicë për transportin. Këtë sfidë do e kalojmë, sepse #bashkë mundemi” ka shkruar Qëndron Kastrati./rajonipress/