Bajrami: Ramazani lidh dhe ofron njerëzit

Gjilan – Bashkësia Islame në Gjilan është nyje e shumë zhvillimeve në rajonin e Anamoravës dhe të Kosovës Lindore tha Qemajl Mustafa.

Bashkësia Islame në Gjilan ka shtruar një iftar ku kanë marrë pjesë pothuajse të gjitha kategoritë e shoqërisë. Nikoqiri i kësaj darke e ka vlerësuar si një urë afrimi e uniteti iftarin ku kanë marrë pjesë edhe Qemajl Mustafa,Bajrush Ymeri, Izmi Zeka e deputet të Kuvendit të Kosovës.

Mustafa Bajrami kryetar i Bashkësisë Islame në Gjilan tha se urat e bashkëpunimit me institucionet komunale do të vazhdojnë. Bajrami tha se njerëzit e edukimit fetar ,imamët dhe të gjithë ata që japin kontribut për paqe e respekt vëllazëror janë ambasadorët më kuptimplotë të kësaj shoqërie.

Bajrami tha se Ramazani pos që ka dobitë e veta ai edhe ofron dhe lidh njerëzit sepse Ramazani ka edhe një kuptim që thërret për tolerancë e paqe tha ai.

Kurse Qemajl Mustafa kryetar i Gjilanit tha se ky iftar unifikues ka një rëndësi të madhe sepse ka mundësi për të ndihmuar njëri tjetrin. Mustafa tha se Bashkësia Islame është nyje e zhvillimeve në Gjilan,rajon dhe më gjerë .Bashkësia Islame ka rol të veçantë sepse është komunitet shumicë tha Mustafa.

Edhe kreu i Gjilanit ka kërkuar unitet,tolerancë dhe ndihmë për njëri tjetrin e sidomos për familjet skamnore.

Në këtë iftar unifikues ka folur edhe Hydajet Hyseni deputet i Kuvendit të Kosovës. Ndryshe në këtë iftar tepër të rrallë kanë marrë pjesë ,mjek,sportist,intelektual,vepirmtar,politikanë,gazetar,shkrimtar,politikanë,artist e të tjerë./rajonipress/