Bajrami: LDK’ja s’i bashkohet ekipit negociator që do t’i shkojë pas Thaçit

Deputetja e Lidhjes Demokratike të Kosovës, Hykmete Bajrami, ka thënë se partia e saj nuk do t’i bashkohet ekipit të dialogut të udhëhequr nga Presidenti Hashim Thaçi.

“Mos pritni që LDK i bashkëngjitet ekipit të qeverisë i cili do t’i shkojë mbrapa Hashim Thaçit dhe do e pres atë korridoreve të Brukselit derisa ai takohet me Vladimir Putinin dhe diskuton me Aleksandër Vuçiqin për territorin e Kosovës”, ka thënë Bajrami në Klan Kosova.

“Kufijtë e vendit dhe integriteti territorial janë çështje e mbyllur”.

Bajrami ka thënë se situata aktuale politike ne vend ka ndikuar keq edhe në ekonominë e vendit.

“Kemi rënie për 50 për qind të investimeve të huaja, kemi qenë vendi i 10 si top reformator, sot kemi regres”.

“Sa herë ka jostabilitet politik, jo që bien investimet e huaja, por edhe investimet e brendshme”.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).