Bajrami: Kushtetuta po i përmbush nevojat

Arsim Bajrami njëri nga hartuesit e Kushtetutës së Republikës së Kosovës, me rastin e pesëvjetorit të Ditës së Kushtetutës ka thënë se kjo Kushtetutë është duke i plotësuar nevojat e shoqërisë kosovare, dhe nuk është pengesë për zhvillimet demokratike në Kosovë.

Ai ka thënë se për këta pesë vjet ende nuk ekziston një edukim i mirë kushtetues.
“Demokracia funksionin mbi bazën e respektit kushtetues”, ka thënë Bajrami për Epoka e re.

Ai ka shtuar se për këta pesë vjet të funksionimit të Kushtetutës është realizuar misioni i saj primar, që ka qenë shtetformimi i shtetit të Kosovës, përkatësisht materializmmi i Deklaratës së Pavarësisë.

Ai ka thënë se kjo Kushtetutë ka afirmuar parimin e diskriminimit pozitiv, qasjen afirmative ndaj pakicave.

Bajrami ka vlerësuar se ky akt juridik nuk duhet të ndryshohet derisa Kosova të bëhet anëtare e BE-së.