Bajrami kërkon nga qytetarët që të bashkëpunojnë me policinë

Gjilan – Zëvendëskryetari i Komunës së Vitisë Abdyl Bajrami u shpreh se këshillat për siguri në bashkësi luajnë një rol të rëndësishëm në sigurinë dhe mirëqenien e qytetarëve duke kërkuar publikisht nga qytetarët që të bashkëpunojnë ngushtë me policinë e Kosovës , por edhe me këto këshilla për siguri me qëllim që të identifikohen problemet me të cilën përballën qytetarët në jetën e përditshme

Në përkrahje të Departamentit për Siguri Publike të OSBE-së sot në Viti është mbajtur seminari “Rritja e bashkëpunimit në mes të KKSB-së, KLSP-ve dhe Policisë së Kosovës”.

Sipas përfaqësuesve të OSBE-së ky seminar ka për qëllim të krijojë komunikim më efikas në mes të këtyre këshillave për siguri dhe policisë së Kosovës si dhe të diskutohet për vështirësitë e komunikimeve në mes të këtyre sektorëve.

Zëvendëskryetari i Komunës së Vitisë Abdyl Bajrami u shpreh se këshillat për siguri në bashkësi luajnë një rol të rëndësishëm në sigurinë dhe mirëqenien e qytetarëve duke kërkuar publikisht nga qytetarët që të bashkëpunojnë ngushtë me policinë e Kosovës , por edhe me këto këshilla për siguri me qëllim që të identifikohen problemet me të cilën përballën qytetarët në jetën e përditshme. “ Mendoj se Këshilli për Siguri në Bashkësi luanë një rol të rëndësishëm në sigurinë e përgjithshëm të qytetarëve, por njëherit ftoj qytetarët që të bashkëpunojnë ngushtë me policinë e Kosovës dhe këtyre këshillave pasi që një që e tillë është në të mirën e shoqërisë vitiase” u shpreh Bajrami.

Ky seminar që ka zgjatur rreth 2 orë është mbajtur nën përkrahjen e Departamentit për Siguri Publike të OSBE-së ndërsa në këtë seminar kanë marrë pjesë përfaqësues të Komunës së Vitisë, Stacionit Policor në Viti, Kryesuesit e 3 KLSP-ve, përfaqësues e Ministrisë së Punëve të Brendshme dhe Policia e Kosovës nga niveli qendror si anëtarë nga KKSB-ja.

Në këtë takim njëherit është folur edhe për tri projekte të cilat janë përzgjedhur nga vetë vet anëtarët e KLSP-së dhe të cilat do të implementohen nga ato me ndihmën e Sektorit për Zhvillimin e Sigurisë në Bashkësi nga OSBE-ja dhe Ambasadës Norvegjeze në Kosovë. /rajonipress/