Bajram Isufi i quan heronj punëtorët e kompanisë “Eco – Higjiena”

Gjilan – Duke i falënderuar të gjithë mjekët dhe personelin tjetër shëndetësor, policët, ushtarët e FSK-së dhe të gjithë të tjerët që janë në vijë të parë në ‘luftën’ me koronavirusin që paraqet shqetësim për gjithë botën,gjithë njerëzimin,nuk duhet të harrojmë edhe një sektor tepër të rëndësishëm për qytetarët e këta janë punëtorët e pastrimit të qytetit të cilët janë në punë për çdo ditë ka shkruar Bajram Isufi.

Postimi i plotë i Bajram Isufit

Heronjtë e Qytetit
Duke i falënderuar të gjithë mjekët dhe personelin tjetër shëndetësor, policët, ushtarët e FSK-së dhe të gjithë të tjerët që janë në vijë të parë në ‘luftën’ me koronavirusin që paraqet shqetësim për gjithë botën,gjithë njerëzimin,nuk duhet të harrojmë edhe një sektor tepër të rëndësishëm për qytetarët e këta janë punëtorët e pastrimit të qytetit të cilët janë në punë për çdo ditë.

Herët në mëngjes, heshtje, nuk ka lëvizje, ditë pune dhe jo pune, të vetmit që i takon në rrugë janë punëtorët e pastrimit që grumbullojnë mbeturinat dhe pastrojnë rrugët e sheshet e komunës.

Janë modest, pagat e tyre mujore janë mizore, pa pajisje elementare për punë, por nuk kanë zgjidhje tjetër, punojnë me korrektësi dhe shpresojnë për ditë më të mira.

I kanë duart e zhytura por fytyrën dhe krenarinë burrërore. Edhe kur kam punuar me ta i kam përkrahur,po edhe tani kur i takoj i ç`moj vlerësoj dhe i inkurajoj sepse vërtet janë heronjë të qytetit. Faleminderit atyre që pastrojnë ka shkruar Bajram Isufi./rajonipress/