Bahtiri thotë se LDK i ofroi MPJ-në LVV-së që t’i kthehet kryeparlamentari

I pari i Mitrovicës, Agim Bahtiri, ka zbuluar detaje rreth bisedimeve për koalicion në mes të LVV-së dhe LDK-së.

Anëtari i Këshillit të Përgjithshëm të Lëvizjes Vetëvendosje një herësh edhe kryetar i Mitrovicës, Agim Bahtiri, ka bërë me dije se negociatat me Lidhjen Demokratike të Kosovës (LDK), për bashkëqeverisje kanë mbetur te posti i kryeparlamentarit.

Në një intervistë dhënë për gazetën “Epoka e Re”, Bahtiri ka thënë se LDK-ja po këmbëngulë që t’i kthehet ky post.

Sipas Bahtirit, Lëvizja Vetëvendosje, në këmbim të këtij posti i ka ofruar LDK-së, Ministrinë e Punëve të Jashtme.

Ai e ka ftuar liderin e LDK-së, Isa Mustafa, që të reflektojë në këtë drejtim, duke shtuar se çështja e postit të kryetarit të Kuvendit është mbyllur tashmë. Bahtiri ka paralajmëruar se nuk do ta presin shumë LDK-në.

Bahtiri ka thënë se shumë shpejtë Këshilli i Përgjithshëm i Vetëvendosjes do t’i japë drejtim kësaj çështjeje.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).