Bahtiri: Mund të shkojmë në zgjedhje, por MPB-në nuk e japim

Anëtari i Këshillit të Përgjithshëm i Lëvizjes Vetëvendosje (LVV), Agim Bahtiri, ka bërë me dije se kjo parti në asnjë mënyrë nuk do t’ia japë Lidhjes Demokratike të Kosovës (LDK) Ministrinë e Punëve të Brendshme (MPB).

Në këtë intervistë dhënë për gazetën “Epoka e re”, kryetari i Mitrovicës ka thënë se LVV-ja është e gatshme të shkojë sërish në zgjedhje të reja, por nuk do ta lëshojë këtë ministri.

Sipas tij, MPB-ja lidhet me premtimet kryesore të kësaj partie që ka bërë gjatë fushatës zgjedhore për rend dhe ligj.

Ai ka deklaruar se MPB-ja është pika kryesore e ndryshimit të gjendjes në Kosovë.

Ndërkaq sa i përket postit të presidentit, Bahtiri ka thënë se nuk është koha që të diskutohet për këtë çështje.

Ai beson se koalicioni qeverisës në mes të LV-së dhe LDK-së do të arrihet sepse, sipas tij, nuk ka alternativë tjetër.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).