Baci i relaksuar

Behgjet Pacolli duket se nuk beson në lidhjen e një koalicioni qeverisës mes PDK’së dhe AAK’së. Zëvendëskryeministri i Parë thotë se nuk ka kurrfarë mundësie që të ndryshojë diçka në qeverisjen e vendit e as tek ai personalisht.

Bengjet Pacolli po ndihet komod në pozitën e Zëvendëskryeministrit të Parë, tash kur gjasat janë të vogla për një koalicion mes Partisë Demokratike dhe Aleancës për Ardhmërinë e Kosovës.

Në një prononcim për Express, Lideri i AKR’së është shprehur i bindur se nuk do të ndryshojë asgjë në qeverisje e as tek ai.

“Deri tani jo, s’ka kurrfarë gjasa të ndryshojë diçka në qeverisje e as tek unë personalisht”, tha Pacolli për Express, të hënën.