Babë e bir rrahin gruan, i presin flokët

Një ngjarje e pazakontë ka ndodhur në Durrës ku babë e bir kanë dhunuar një grua 39 vjeçare, as më shumë dhe as më pak se bashkëshortja e njërit prej autorëve dhe nëna e tjetrit.

Burime zyrtare nga policia i thanë agjencisë së lajmeve Noa.al se Gjergj Arapi 45 vjeç dhe Pjetër Arapi 17 vjeç, atë e bir, në bashkëpunim me njeri-tjetrin, në banesën e tyre kanë ushtruar dhunë fizike e psikologjike ndaj bashkëshortes se Gjergjit, njëkohësisht nëna e Pjetrit, e moshës 39-vjeçare, si dhe i kane prerë asaj flokët.

Lidhur me këtë rast u bë shoqërimi i dy autorëve të ngjarjes, ndërsa materialet i kaluan Prokurorisë për veprën penale “Dhunë në familje”.

Ndërkaq ndaj 39 vjeçares së dhunuar u lëshua urdhri i mbrojtjes së menjëhershme, ndërsa vijojnë hetimet për të hedhur dritë mbi arsyet e kësaj ngjarje./noa/Indeksonline/