Azemi vulos fitoren e Greuther Furthit
Sulmuesi kosovar, Ilir Azemi, ka qenë protagonist i fitores së dytë të skuadrës së tij, Greuther Furth në Bundesliga 2.
Azemi bashkë me Mërgim Mavrajn luajtën titullar në triumfin 2:0 që Furth e shënoi në udhëtim ndaj Aalen, duke regjistruar fitoren e dytë nga dy ndeshje në kategorinë e dytë të futbollit gjerman.
Madje, Azemi ishte realizator i golit të dytë të skuadrës së tij. Ilir realizoi në minutën e 81, duke e mbyllur fatin e këtij takimi.
Të dy futbollistët kosovarë luajtën 90 minuta në këtë sfidë.