Avokati i popullit dhe njësia komunale për të drejtat e njeriut, një hap më afër qytetarit

Kamenicë – Avokati i Popullit në bashkëpunim me Njësinë Komunale për të Drejtat e Njeriut (NJKDNJ-në), kanë mbajtur aktivitetin “Ditë e hapur me qytetarë”, takim ky i cili mbahet një herë në muaj në Komunën e Kamenicës.

Gjatë kësaj dite qytetarët kanë mund t’i parashtrojnë Avokatit të Popullit ankesat e tyre, që kanë të bëjnë me shkeljen e të drejtave të njeriut, apo keqpërdorimin e pushtetit ndaj individëve nga ana e institucioneve të Republikës së Kosovës.

Qytetarët i pritën z. Shemsedin Mustafa, Zyrtar ligjor i Institucionit të Avokatit të Popullit Regjional, Nazmije Demolli-Kastrati Koordinatore e NJKDNJ-së dhe Teuta Kastrati, Zyrtare për kthim, riatdhesim dhe barazi gjinore.

Në këtë takim për tu ankuar kishin ardhur një numër i vogël i qytetarëve të cilët adresuan ankesat e tyre, Zyrtarit Ligjor pranë Institucionit të Avokatit të Popullit dhe zyrtarëve të NJKDNJ-së./rajonipress/