Avni Rudaku shpallet “Ambasador i Paqes”

Gjilan – Federata Universale e Paqes me status konsultativ edhe në OKB, me seli në Korenë Jugore, pas një seminari të gjatë me tri sesione në hotelin “Sirius” në Prishtinë, ku folën lidhur me temën “Paqja, siguria dhe zhvillimi”, Adem Demaçi, Jakupi Krasniqi, Fatmir Sejdiu, Daut Demaku, etj., shpallën edhe ambasadorët e paqes për vitin 2013. Në mesin e tyre, Avni Rudaku, publicist, poet, psikolog, sociolog, kritik arti, e politikan, mori titullin “Ambasador i Paqes” bashkë me imamin Sadri Rahimi tjetër që vinin nga ana e komunës së Gjilanit.

Arsyetimi i Federatës në emërimin e tyre ishte se dytë me sjelljet dhe veprimtarinë e tyre, kanë kontribuar në avokimin e bashkëpunimit, tolerancës dhe mirëkuptimit ndërmjet njerëzve, grupeve të ndryshme, feve, etj.

“Pavarësisht nga cilat motive buron paqja dhe mirënjohja për të, ajo është e mirëseardhur. Është ndjenjë e mirë kur njerëzit besojnë se me shkrimet tuaja në gazetë, me intervistat në studiot televizive, me përmbajtjen e krijimtarisë letrare dhe me veprimtarinë tuaj të përgjithshme në jetën publike, nxisni bashkëpunimin, diversitetin dhe mirëkuptimin ndërmjet njerëzve. Në jetën time gjithmonë do të përpiqem ta mbrojë njeriun po nga nga ky njeri” – u shpreh Rudaku, pas marrjes së titullit “Ambasador i Paqes”.

Përndryshe, Federata Universale e Paqes në mesin e personaliteteve të njohura të Kosovës dhe Shqipërisë, me titull “Ambasador i Paqes” ka nderuar edhe ish presidentin e Republikës së Kosovës, Fatmir Sejdiun, kryetarin aktual të Kuvendit të Republikës së Kosovës, Jakup Krasniqin, ish presidentin e Republikës së Shqipërisë, Alfred Moisiun, e shumë personalitete të njohura shqiptare nga jeta politike, kulturore, sportive e më gjerë./rajonipress/