Avdullah Hoti tregon se a do të përfshihet Nisma në koalicionin LDK-VV

Anëtari i Kryesisë së LDK’së, Avdullah Hoti, në emisionin DPT te Fidani në T7 ka thënë se nuk varet nga LDK’ja nëse Nisma do të merr pjesë në një koalicion paszgjedhor qeveritar.

Koalicioni Nisma-AKR-PD ende nuk dihet a ka kaluar sigurt pragun. Një vendim i PZAP’së ka vendosur që të mos numërohen votat e ardhura nga Serbia, por që për këtë duhet të vendosë Gjykata Supreme.

“Nuk na takon neve që të vendosim për përfshirjen e Nismës në një koalicion paszgjedhor”, thotë Hoti.

“Kjo i takon partisë së parë. VV ka marrë më shumë vota dhe si parti e parë themelon qeverinë”

“Nuk na takon neve”, thotë tutje Hoti.

“Matematikat për formimin e Qeverisë i bën partia fituese. Partia e parë e merr mandatin dhe pastaj i fton partitë tjera për koalicion”