Autobusi nga Kosova merr flakë, zjarrfikësit evakuojnë 49 udhëtarët

Një shpërthim zjarri në motor ka shkaktuar bllokimin e një autobusi udhëtarësh në afërsi të lokalitetit Waldaschaff (Bavari, Gjermani). Autobusi po vinte nga Kosova dhe, me 49 udhëtarët që transportonte, ishte në rrugë për në Holandë. Ndalesa ka ndodhur sot (e diele) rreth orës 9.00. Shoferi e kishte vënë re se në motor kishte shpërthyer flaka. Ai mori masat për fikje të shpejtë të zjarrit ndërsa të gjithë udhëtarët dolën shpejtë e pa pasoja nga autobusi.

E veçanta e këtij rasti është se, siç shkruajnë mediet lokale gjermane, (br.de etj.)zjarrfikësit e ardhur me të shpejtë në vendin e ngjarjes, nuk patën nevojë të ndërhyjnë. Por, ata i vunë makinat e tyre në funksion të një shërbimi “Shuttle”, i cili i barti udhëtarët nga autostrada në një lokal pushimore të udhëtarëve. Aty kosovarët kanë pritur ardhjen e një autobusi rezervë për të vazhduar udhëtimin.

Siç shihet nga fotografitë e publikuara, autobusi ishte pronë e firmës Barileva tours.

Dëmet e shkaktuara nga djegia në motorin e autobusit llogariten rreth 30 mijë euro./albinfo.ch/