Ateron Zvicra, shqiptarët thyejnë heshtjen

Kombëtarja e Zvicrës në orët e mbrëmjes së të mërkurës zbriti në aeroportin “Nënë Tereza” bashkë me koloninë e lojtarëve shqiptarë që militojnë në radhët e ekipit të Otmar Hitzfeld.

Shqiptarët janë pritur në aeroport nga policët dhe pjesëtarët e sigurimit, të cilët kanë kërkuar të bëjnë foto me ta. Madje, siç publikon disa foto blick.ch, edhe kontrolluesja e pasaportave, gjen kohën për t’u fotografuar me pasaportën e Xherdan Shaqirit.

Kryesuesit e Grupit E kërkojnë një ose tri pikë për të siguruar biletën drejt Brazilit dhe objektivi për ta është i qartë. Por përveç përqendrimit që bardhekuqtë kanë tek ndeshja e së premtes, disa prej tyre, pikërisht ata që janë përfolur për zgjedhjen e tyre, e ndiejnë peshën e vendit të origjinës.

Mesfushori i Napolit, Blerim Xhemajli shprehet se edhe pse Zvicrës i nevojitet vetëm një pikë, do të luftojë për fitore. Ai shton gjithashtu se emocionet për debutimin në “Qemal Stafa mund të jenë të mëdha…(Arena).