Aspirina s’rekomandohet për të moshuarit që s’kanë faktorë rreziku

Nëse jeni person i shëndetshëm dhe i moshuar dhe kërkoni mënyra për të zvogëluar rrezikun e sulmit në zemër dhe në tru, mos ndiqni këshillat e mëparshme – doza të ulëta të aspirinës çdo ditë.

Aspirina nuk rekomandohet më si masë parandaluese për të rriturit më të moshuar që nuk kanë rrezik të lartë ose sëmundje të zemrës ekzistuese, sipas udhëzimeve të njoftuara të dielën nga Kolegji Amerikan i Kardiologjisë dhe Shoqata Amerikane e Zemrës.

“Për pjesën më të madhe, ne tani jemi shumë më mirë në trajtimin e faktorëve të rrezikut të tillë si hipertensioni, diabeti dhe veçanërisht kolesteroli i lartë”, tha kardiologu Kevin Campbell.

“Kjo e bën dallimin më të madh, ndoshta duke mohuar çdo përfitim të përceptuar më parë për aspirinë në parandalimin primar”.

Mjekët mund të konsiderojnë aspirinë për disa pacientë me rrezikë të lartë, si ata që kanë vështirësi në uljen e kolesterolit të tyre ose menaxhimin e sheqernave të tyre të gjakut, për aq kohë sa nuk ka rrezik të shtuar për gjakderdhje të brendshme, thonë udhëzimet.