Asllani sfidon Brazilin
RajoniPress
08:28, 6 Qershor, 2013
Kosovare Asllani është ftuar për të luajtur me Përfaqësuesen e Suedisë edhe për ndeshjen kundër Përfaqësueses së femrave të Brazilit.
Mediat suedeze kanë njoftuar se përzgjedhësja e skuadrës, Pia Sundhage, ka besim të madh te Asllani, duke e ftuar atë edhe për ndeshjen kundër brazilianeve, pasi mesfushorja kosovare shkëlqeu në takimin e fundit të zhvilluar kundër Norvegjisë.
Të kujtojmë se në këtë takim, Asllani asistoi në golin e parë të suedezeve të shënuar nga Lotta Schelin. Asllani është anëtare e skuadrës franceze, PSG, duke u konsideruar si ‘Zlatan Ibrahimoviq’ e femrave të kësaj skuadre.
