Asfaltohet rruga “Shaqiri e Beqiri” në Zhiti

Viti – Në fshatin Zhiti të Komunës së Vitisë është asfaltuar sot rruga “Shaqiri e Beqiri”. Me këtë rast Kryetari i Kryetari i komunës së Vitisë, Sokol Haliti ka vizituar këtë fshat për të parë nga afër këtë projekt infrastrukturor.

Po ashtu kryetari Haliti ka vizituar edhe shkollën fillore të mesme të ulët “Safet Rexhepi” në Zhiti pasi që sot pritet të bëhet asfaltimi i rrugës në drejtim të kësaj shkolle.

Përndryshe në këtë fshat gjatë këtij viti është ndërtuar dhe asfaltuar edhe fusha sportive.

Gjatë kësaj vizite kryetari Haliti është takuar edhe me banorë të këtij lokaliteti, të cilët e falënderuan atë për projekte që janë realizuar në këtë fshat dhe që sipas tyre kanë një rëndësi të veçantë për banorët./rajonipress/