Asambleja e Kamenicës aprovon raportet e drejtorive për vitin 2012

Gjilan – Delegatët në mënyrë unanime miratuan edhe raportet e punës së drejtorive komunale për vitin 2012, si raportin drejtorisë së Urbanizmit dhe Planifikimit Hapësinor, drejtorisë Pronës, Kadastrit dhe Gjeodezisë, Drejtorisë së Kulturës, Rinisë dhe Sportit, Drejtorisë së Mbrojtjes dhe Shpëtimit, Drejtorisë së Inspektoratit dhe ajo Drejtorisë së Bujqësisë, Pylltarisë dhe Zhvillim Rural.

Pas diskutimeve të shumta në seancën e së premtes të kuvendit, me shumicë votash u miratua heqja e pikës së katërt nga rendi i ditës. Kjo pikë kishte të bënte me kërkesën e Fadil Halitit nga Gjilani, për lejimin e shfrytëzimit të patundshmërisë komunale për ndërtimin e urës. Nga shumica e delegatëve, por edhe kryesuesit dhe kryetarit, ishte që në këtë kërkesë të bashkëngjiten komplet dokumentacionet e paraparë për kërkesën nga ana e parashtruesit.

Delegatët ndërkaq në mënyrë unanime miratuan edhe raportet e punës së drejtorive komunale për vitin 2012, si raportin drejtorisë së Urbanizmit dhe Planifikimit Hapësinor, drejtorisë Pronës, Kadastrit dhe Gjeodezisë, Drejtorisë së Kulturës, Rinisë dhe Sportit, Drejtorisë së Mbrojtjes dhe Shpëtimit, Drejtorisë së Inspektoratit dhe ajo Drejtorisë së Bujqësisë, Pylltarisë dhe Zhvillim Rural.

Po ashtu, edhe shqyrtimi i propozim-vendimit për ndarjen e mjeteve për blerjen e mamografit mobil sipas iniciativës së Grupit të Grave Deputete të Kosovës, u miratua në mënyrë unanime dhe u ndanë 2000 euro.

Gjatë kësaj seance, u miratuan edhe tri pika shtesë siç ishin shqyrtimi i propozim-rregullores për barazi gjinore, në komisionin komunal për siguri në bashkësi si anëtare është propozuar edhe drejtoresha e Arsimit Fahrije Kryeziu, pasi është paraparë edhe me ligj si dhe të caktohet një anëtarë nga komuniteti serb për zgjedhjen e këshillave lokale./rajonipress/