Artana rritë të hyrat vetanake

Gjilan – Në këtë mbledhje u aprovuan të gjitha pikat e rendit të ditës dhe u morën vendime për Rregulloren për tatimin mbi pronën e Paluajtshme.

Këshilltarët komunal në mbledhjen e së premtes kanë aprovuar vendimin për tatimin në pronë me disa ndryshime që të behën për zonën e parë dhe të dytë, si dhe vendimin për rritjen e të hyrave vetanake nga 66.400 € në 146.782 € .

Këshilltarët komunal gjithashtu kanë marrë vendim për destinimin e mjeteve nga të hyrat vetanake, dhe vendimin për Themelimin e Këshillit Komunal për Siguri në Bashkësi (KKSB).

Artana gjithashtu ka marrë vendim për Aprovimin e Strategjisë për zhvillimin Kulturor të Komunës së Novobërdës 2012-2016.

Në këtë mbledhje mori pjesë edhe Florent Mehmeti themelues dhe drejtues i Teatrit Oda në Prishtinë, ku falënderoi Kryetarin e Komunës Bajrush Ymerin, Kuvendin Komunal, Drejtorin e Arsimit dhe Kulturës si dhe gjithë bashkëpunëtorët e tjerë. “Komuna e juaj Novobërda ka qenë përzgjedhja e parë e menjëhershme që kemi bërë për të punuar këtë plan strategjik, nga vet fakti i potencialit shumë të madh që ka në aspektin kulturor të trashëgimisë dhe natyrës meqë kultura është promotor i shumë gjërave me vlerë që ka kjo komunë”u shpreh Mehmeti.

Ndërsa Kryetari i Komunës Bajrush Ymeri sinqerisht i falënderoi të gjithë ata që janë përfshirë në procesin e krijimit të kësaj strategjie për zhvillim kulturor./rajonipress/