Artana ndanë 20 bursa për student dhe nxënës të dalluar

Gjilan – Drejtoria e arsimit e Artanës i ka ndarë 10 bursa për student dhe 10 tjera për nxënës. Të gjithë përfituesit pritet t`i nënshkruajnë kontratat të premten tha Adem Abazi.

Komuna e Artanës duke e parë gjendjen e vështirë të nxënësve dhe të studentëve të talentuar, nga buxheti i saj për vitin 2012 ka vendosur t`i ndihmojë 10 student dhe 10 nxënës të dalluar të cilët ndjekin mësimet.

Adem Abazi drejtor i arsimit tha se këto bursa janë një stimulim për më të dalluarit dhe për ata që kanë vendosur të shkollohen jashtë Artanës. “Komuna me ato kapacitete që ka u ka ndalur gjithmonë në ndihmë të rinjve dhe studiuesve nga kjo komunë” u shpreh Abazi.

Abazi tha se nga 20 bursa nga të përfituarit janë edhe 8 serb të fshatrave të Artanës. “Ne nuk kemi bërë dallime,përkundrazi kemi vendosur që bursën ta marrin të gjithë ata që i plotësojnë kriteret e parapara nga drejtoria e arsimit” u shpreh Abazi.

Përfituesit e këtyre 20 bursave pritet që këtë të premte t`i nënshkruajnë kontratat me drejtorinë e arsimit në Artanë. Ndryshe Komuna e Artanës ndarjen e bursave e ka të rregulluar me një rregullore të veçantë./rajonipress/