Artana ende nuk e ka funksionalizuar qeverisjen komunale

Gjilan – Artana ende nuk e ka zgjedhur nënkryetarin e komunës dhe atë të komuniteteve. Si rezultat i këtyre zhagitjeve në Artanë ende ka një kolaps institucional pasiqë partia e kryetarit Svetislllav Ivanoviq refuzon të hyjë në koalicion me LDK në këtë qytet.

Komuna e Artanës e cila udhëhiqet nga Svetisllav Ivanoviq ende nuk e ka kompletuar kabinetin qeverisës dhe si rezultat Komuna gati se ndodhet në kolaps institucional, raporton rajonipress.

Ish kryetari i Artanës Bajrush Ymeri i cili u largua nga ky post si njëri nga kryetaret që do të mbahet mend gjatë për punën e mirë që ka bërë për qytetarët e Artanës, ende nuk ka arritur të gjejë një gjuhë të përbashkët me partinë e Svetisllav Ivanoviqit për të hyrë në koalicion.

Megjithatë në takimin e fundit të Asamblesë Komunale që është kryesuar nga Predrag Stojkovic dhe zv. kryesuesi Xhevat Mehmeti është formuar komiteti për Komunitete e ku anëtar të saj janë zgjedhur: Xhevat Mehmeti, Ramize Abazi, Zoran Trajkovici, Predrad Gjorgjevic, Naser Jashari, Fidan Ruhani dhe Novic Petrovic.

Në këtë seancë të asamblesë kanë marrë pjesë edhe përfaqësuesit e OSBE-së. Svetisllav Ivanoviq kryetar i Artanës u ka thënë asamblistëve se së shpejti pritet formohet (rrumbullakësohet) edhe Qeveria Komunale, dhe do të zgjidhen njëkohësisht edhe organet e tjera si ajo e nënkryetarit të parë dhe atij të komuniteteve./rajonipress/