Artana do t`i ndihmojë qytetarët në procesin e shpronësimit të pronave për nevojat e ndërtimit të autostradës

Gjilan – Me kërkesë të banorëve të fshatit Koretisht në komunën e Novobërdës, është zhvilluar një debat publik me pronarët e parcelave, në të cilat do të ndërtohet autostrada në periudhën e ardhshme.

Qëllimi i këtij debati publik ishte të jepte një pasqyrë të detajuar në kushtet në të cilat do të kryhet shpronësimi i tokës.

Në fillim të këtij takimi, kryetari i komunës së Novobërdës, z. Svetisllav Ivanoviq, iu drejtua qytetarëve të pranishëm, ku theksoi se komuna do t’i ndihmoj të gjithë qytetarët në procesin e shpronësimit në periudhën vijuese.

Kërkesat e qytetarëve të fshatit Koretisht u drejtuan mbi realizimin e kushteve reale nën të cilat do të kryhet shpronësimi, pasi që deri më tani askush nuk iu drejtua atyre me kushtet specifike nën të cilat do të bëhet blerja e tokës.

Në këtë takim u formua një grup pune që së bashku me Kryetarin e Komunës të priten në Ministrinë përkatëse me qëllim që të merrnin përgjigjet e pyetjeve të tyre. Gjithashtu është rënë dakord që urgjentisht të caktohet ky takim në mënyrë që të gjithë fshatarët të njoftohen në detaje me kushtet në të cilat do të bëhet shpronësimi i pronës së tyre./rajonipress/