Arsim Eminit mund t`i dalin telashe juridike, kandidatët e revoltuar kërkojnë që konkursi të kthehet në pikën zero

Gjilan – Kandidatët e pakënaqur dhe të revoltuar nga shkeljet e shumta që janë evidentuar gjatë përzgjedhjes dhe intervistës së kandidatit për drejtor në spitalin e Gjilanit kanë bërë ankesë, duke kërkuar që konkursi të anulohet dhe gjithçka të kthehet në pikën zero.

Të pakënaqur me procedurat e konkursit dhe shkeljet esenciale të tij, kandidatët e pakënaqur : Milaim Kosumi, Halil Ajvazi, Besim Maliqi dhe Mirvete Kurteshi kanë bërë ankesë duke kërkuar anulimin e konkursit.

Sipas ankesave që kanë deponuar kandidatët, Arsim Emini nuk i plotëson kriteret sipas konkursit dhe për pasojë ka prodhuar shkelje të mëdha ligjore duke diskriminuar kandidatët dhe duke prodhuar edhe pasoja tjera dhe të rënda juridiko penale.

“Konkursi duhet të anulohet dhe të kthehet në pikën zero” është kërkesa esenciale e ankesave të kandidatëve të pakënaqur./rajonipress/