Arrestohet një person për dhunë në familje në Gjilan

Gjilan – Një person është arrestuar nga policia nën dyshimin për dhunë në familje dhe lëndim të lehtë trupor, pasi dyshohet se ka sulmuar fizikisht bashkëshorten e tij.

Sipas njoftimit të policisë, rasti ka ndodhur më 14 mars 2026 rreth orës 16:10 në Gjilan, ku viktima femër kosovare ka pësuar lëndime trupore pas një mosmarrëveshjeje me bashkëshortin e saj.

Viktima ka pranuar tretman mjekësor, ndërsa i dyshuari mashkull kosovar është intervistuar nga organet e rendit. Me vendim të prokurorit, ai është arrestuar dhe dërguar në mbajtje për procedura të mëtejshme./rajonipress/