Arrestohet një person në Pasjak të Gjilanit, policia i konfiskon mbi 10 gramë marihuanë

Gjilan – Një person është arrestuar në fshatin Pasjak të Gjilanit, pasi gjatë kontrollit policor tek ai janë gjetur dhe konfiskuar 10.57 gramë marihuanë. Me vendim të prokurorit, i dyshuari është dërguar në mbajtje pas intervistimit.

Rasti ka ndodhur më 30 tetor 2026, rreth orës 22:50, në fshatin Pasjak të Gjilanit.

Sipas raportit policor, i dyshuari, mashkull kosovar, është ndaluar dhe kontrolluar nga zyrtarët policorë, me ç’rast i është gjetur një sasi prej 10.57 gramësh substancë e dyshuar narkotike, e llojit marihuanë.

Substanca është konfiskuar si dëshmi materiale, ndërsa ndaj të dyshuarit është iniciuar procedurë për veprën penale „Posedim i paautorizuar i narkotikëve, substancave psikotrope dhe analoge”.

Me urdhër të prokurorit kompetent, pas intervistimit, i dyshuari është dërguar në mbajtje.

Rasti po trajtohet nga organet kompetente./rajonipress/