Arrestohet një person në Gjilan për dhunë në familje dhe armëmbajtje pa leje

Gjilan – Policia në Gjilan ka arrestuar një person të dyshuar për dhunë në familje dhe armëmbajtje pa leje, pas një rasti të raportuar në orët e para të mëngjesit.

Sipas njoftimit të policisë, rasti ka ndodhur më 11 mars 2026 rreth orës 01:00, ku është arrestuar një i dyshuar mashkull kosovar, i cili dyshohet se ka ushtruar dhunë fizike ndaj një viktime femër kosovare.

Gjatë ndërhyrjes policore, nga i dyshuari është konfiskuar edhe një armë zjarri me një karikator të zbrazët.

Pas intervistimit nga organet kompetente dhe me vendim të prokurorit, i dyshuari është dërguar në mbajtje, ndërsa rasti është duke u trajtuar nga autoritetet përkatëse njoftoi policia e Kosovës./rajonipress/