Arrestohet në Gjilan për dhunë në familje, dyshohet se sulmoi fizikisht ish-bashkëshorten

Gjilan – Një rast i dhunës në familje është raportuar në Gjilan, ku një burrë është arrestuar nën dyshimin se ka ushtruar dhunë fizike ndaj ish-bashkëshortes së tij.

Sipas raportit të Policisë së Kosovës, ngjarja ka ndodhur më 31 korrik 2026, rreth orës 21:00. I dyshuari, shtetas i Kosovës, dyshohet se e ka sulmuar fizikisht ish-bashkëshorten, e cila si pasojë e lëndimeve ka pranuar trajtim mjekësor.

Pas ndërhyrjes së policisë, i dyshuari është arrestuar dhe është intervistuar në prani të organeve kompetente.

Me vendim të prokurorit, ai është dërguar në mbajtje, ndërsa rasti është iniciuar si “Dhunë në familje” dhe hetimet do të vazhdojnë për zbardhjen e plotë të rrethanave të ngjarjes./rajonipress/