Arrestohet në Gjilan i kërkuari për “vrasje në tentativë”, dërgohet në vuajtje të dënimit

Gjilan – Zyrtarët policorë të Drejtorisë Rajonale në Gjilan kanë arrestuar një person të kërkuar me urdhëresë gjyqësore, në kuadër të zbatimit të planit operativ për ekzekutimin e vendimeve të gjykatave.

I arrestuari, M.A. (mashkull, 2005), kërkohej nga Gjykata Themelore në Gjilan për vuajtjen e një dënimi me burg në kohëzgjatje prej një viti e gjashtë muajsh, për veprën penale “vrasje në tentativë”.

Pas përfundimit të procedurave policore, ai është dërguar për vuajtjen e dënimit sipas vendimit gjyqësor.

Policia e Kosovës në Gjilan ka bërë të ditur se mbetet e angazhuar në zbatimin e ligjit dhe në realizimin e urdhëresave gjyqësore, duke paralajmëruar vazhdimin e veprimeve ndaj personave që nuk u janë përgjigjur institucioneve të drejtësisë./rajonipress/