Arrestohet i dyshuari për dhunë në familje, i konfiskohet arma në Gjilan

Gjilan – Një person është arrestuar më 19 mars 2026 në Gjilan, pasi dyshohet për dhunë në familje dhe shkaktim të rrezikut të përgjithshëm, pas një mosmarrëveshjeje me anëtarët e familjes.

Sipas policisë, i dyshuari mashkull kosovar ka kanosur familjarët, duke shkaktuar shqetësim dhe pasiguri. Njësitë policore kanë ndërhyrë menjëherë, duke arritur ta lokalizojnë dhe arrestojnë të dyshuarin.

Gjatë kontrollit në veturën e tij, policia ka gjetur dhe konfiskuar një revole pa fishek. Me vendim të prokurorit, i dyshuari është dërguar në mbajtje, ndërsa rasti po hetohet më tej nga organet kompetente./rajonipress/