Arrestohet 33-vjeçari shqiptar, vrau me thikë rumunin

Policia greke ka arrestuar një shqiptar i cili akuzohet për vrasjen e një shtetasi rumun. Mësohet se, 33-vjeçari shqiptar jetonte bashkë me viktimën, rumunin 54-vjeçar në një shtëpi.

Policia ka bërë me dije se, krimi ndodhi në banesën e tyre në zonën e Lutrakit, ku pas një grindje për motive banale, shqiptari rrëmbeu thikën dhe e qëlloi disa herë.

I plagosuri u dërgua me urgjencë në spitalin e Korinthit, por nuk mundi të mbijetojë dhe gjeti vdekjen disa orë më vonë.

Policia vuri në pranga shqiptarin si personi i dyshuar për krimin dhe po heton për gjetjen e shkaqeve të krimit të rëndë.