Arrestohen pesë persona për vjedhje të rëndë në Gjilan, sendet i kthehen pronarit

Gjilan – Policia ka identifikuar dhe arrestuar pesë persona të dyshuar, meshkuj kosovarë, nën dyshimin për përfshirje në veprën penale “vjedhje e rëndë”.

Sipas njoftimit zyrtar, të dyshuarit dyshohet se ditë më parë kanë depërtuar me forcë në shtëpinë e një qytetari në Gjilan, prej nga kanë vjedhur gjësende të ndryshme me vlerë.

Pas veprimeve hetimore dhe arrestimit të të dyshuarve, sendet e vjedhura janë gjetur dhe i janë kthyer pronarit legjitim.

Me vendim të prokurorit të rastit, të arrestuarit janë dërguar në mbajtje, ndërsa hetimet për zbardhjen e plotë të rastit janë duke vazhduar./rajonipress/