Arrestime për vetëgjyqësi, kanosje dhe dhunë në familje në Gjilan dhe Kamenicë

Gjilan – Një person është arrestuar nga Policia e Kosovës nën dyshimin për veprat penale “vetëgjyqësi” dhe “kanosje”. Sipas raportit policor, i dyshuari mashkull kosovar dyshohet se ka penguar dhe kërcënuar tre ankues meshkuj kosovarë.

Me vendim të prokurorit, pas procedurave të intervistimit, i dyshuari është dërguar në mbajtje, ndërsa rasti po trajtohet nga organet kompetente.

Dhunë në familje dhe kanosje në Kamenicë, arrestohet një person

Në Kamenicë një rast i dhunës në familje i shoqëruar me kanosje është raportuar në lagjen Iliria, ku një person është arrestuar nga Policia e Kosovës.

Sipas njoftimit, i dyshuari mashkull kosovar dyshohet se ka ushtruar dhunë dhe kërcënime ndaj një viktime femër kosovare. Pas intervistimit dhe me vendim të prokurorit, ai është dërguar në mbajtje, ndërsa rasti është në procedurë hetimore njoftoi policia e Kosovës./rajonipress/