Arrestime e konfiskime të armëve e narkotikëve në Kamenicë, Viti e Artanë

Gjilan – Në tri raste të ndara policia e Kosovës ka arritur të konfiskojë armë e municion në Kamenicë e Artanë dhe në Viti ka konfiskuar substanca narkotike.

Sipas policisë së Kosovës në fshatin Manishincë, të Novo Bërdës i dyshuari mashkull serb ka raportuar se posedon armë. Njësiti policor në shtëpinë e tij ka konfiskuar një pushkë automatike AK-47 me 15 fishekë të kalibrit 7.62 mm. Me urdhër të prokurorit rasti shkon në procedurë të rregullt.

Kurse në Lagjen “Malësia”, në Kamenicë është arrestuar i dyshuari mashkull shqiptar, pasi që gjatë kontrollit në shtëpinë e tij janë gjetur dhe konfiskuar një pushkë M-48 dhe një revole CZ. Me urdhër të prokurorit rasti shkon në procedurë të rregullt.

Edhe në fshatin Kabash, të Vitisë njësiti policor ka ndaluar një veturë që drejtohej nga i dyshuari mashkull shqiptar dhe gjatë kontrollit tek i njëjti është gjetur dhe konfiskuar 2.8 gramë substancë e dyshuar narkotike e llojit marihuanë dhe një tabak letre për mbështjellje. Me urdhër të prokurorit rasti shkon në procedurë të rregullt njoftoj policia e Kosovës./rajonipress/